பழனியின் கரிசல்மண்ணும், மதுரையின் வீரமும், வீரவிளையாட்டும் மற்றும் தென்றல் காற்றில் ஆடும் மல்லிகை போன்ற மெல்லிய காதலும் ஒருசேர இத்திரை படத்தில் காணலாம். லகான், சக் தே இந்தியா போன்ற இந்தி திரைப்படமும், சென்னை 600028 தமிழ் திரைப்படமும் சேர்ந்த கதை கலவை எடுத்து கொண்டு தமிழர்களின் வீர விளையாட்டான கபடியை கலக்கலாக காட்டி இருக்கும் குழு தான் வெண்ணிலா கபடிக்குழு. படத்தின் கதையோடும், காட்சிகளோடும் மெலிதாக இழையோடி மெல்ல... மெல்ல... புன்னகை வரவழைக்கும் காமெடிகமும், வசனக் காட்சிகளும் சுசீந்திரனை இயக்குனர் என்று ஏற்று கொள்ள வைக்கும். இத்திரைப்படத்தை பார்த்து விட்டு வெளியில் வரும் போது கண்டிப்பாக ஒரு மனதிருப்தி இருக்கும் என்பதில் ஐயம் இல்லை.
மதுரை மண்ணில் எடுத்த எந்த திரைப்படமும் தோற்காது என்பதை நிருபிக்கும் படம்
No comments:
Post a Comment