பொங்கல் – 2011

அனைவருக்கும் என்னுடைய பொங்கல் வாழ்த்துகள். 

 

தை பிறந்தால் வழி பிறக்கும் என்று கேள்வி. பொருந்து இருந்து தான் பார்க்க வேண்டும். நமக்கு எதாவது வழி பிறக்குமா என்று.

முதன் முதலில் மதுரையை தாண்டி பொங்கல். மதுரைக்கு போய் என்ன பண்ண போறோம் என்ற கேள்விக்கு பதில் இல்லை என்றாலும், ஒரு சின்ன சந்தோசம் தான். ஆனால் இந்த பொங்கல் பண்டிகை அமெரிக்காவில் உள்ள ஏதோ ஒரு மூலையில். என்ன தான் மதுரையை விட்டு விட்டோமே என்று நினைத்தாலும், மனதில் ஒரு சின்ன மகிழ்ச்சி தான். என்ன குழப்புறேன் என்று யோசித்தால், அது மதுரை மக்கள் அனைவருக்கும் தெரிந்த விஷயமே. ஆம், நான் பேருந்தில் பயணத்தை விரும்ப மாட்டேன். அதனால் எப்படாவது பட்டு, இரயில் இடம் பிடிப்பேன். இதன் காரணமாக மூன்று மாதத்திற்கு முன்னால், அதிகாலை மூன்று அல்லது நாலு மணிக்கே பதிவு செய்யும் இடத்திற்கு சென்று காத்து நிற்பது. அதிலும் இடம் கிடைக்குமா என்பது தெரியாது. இடம் இல்லை என்றால், பொங்கலின் ஒரு மாதம் முன்னால், பேருந்திற்கு பயண சீட்டு கேட்டு அலைவது. இப்படி தான் கடந்த ஐந்து வருடமும் சென்று இருக்கிறது. இரயில் இடம் கிடைத்தால், மதுரைக்கு சென்று பொங்கல் முடிந்து திரும்பும் வரை சொர்க்கத்தில் இருப்பது போல் ஒரு எண்ணம். இந்த சொர்க்கத்தை பற்றி, சென்னையில் இருந்து மதுரைக்கு செல்லும் அனைத்து மக்களுக்கும் தெரியும்.

சரி பொழப்ப தேடி, இங்கு வந்தாச்சு. நாம் தான் பொங்கலை கொண்டாட வேண்டும் என்ற எண்ணத்தில், காலையில் எழுந்து எலுமிச்சை சாதத்துடன் சாம்பார் செய்து ஒரு வழியை முடித்து விட, மனதில் ஒரு சிறு நெருடல். என்னடா பொங்கல் அன்று சக்கரை பொங்கல் சாப்பிடவில்லை என்றால் எப்படி என்று நினைத்து கொண்டு இருந்த போது, நண்பர் திரு. மோகன் சாப்பிட வீட்டிற்கே வந்து சக்கரை பொங்கலை கொடுத்தது தான் ஆச்சிரியமே. காலை வேலை முடிந்த பொழுதில், எப்போதும் போல் மடிக்கணினியுடன் மதியம் வரை சென்றது. நேற்றே நண்பர் அண்ணாமலை தனது வீட்டிற்கு மதிய உணவிற்கு அழைத்தது நியாபகம் வர, ஒரே ஓட்டத்தில் அவர் வீட்டு வாசலில்.

 

அவரின் திருமணத்திற்கு பிறகு அமெரிக்காவில் தனியாக கொண்டாடும் பொங்கல் என்பதால், அவரும் அவருடைய திருமதியும் கஷ்டப்பட்டு சமைத்து நான் அவர்களின் வீட்டை அடையும் முன் எல்லாம் ரெடியாக இருந்தது. அவர்கள் காரைக்குடியை சேர்ந்த மக்கள் என்பதால், அவர்கள் பொங்கலை கடவுளுக்கு படைக்கும் விதம், அவ்வாறே இருந்தது. இதை பார்க்கும் போது எனக்கு புது அனுபவம் தான். மதிய உணவு ஒன்பது வகையான காய்கறிகளுடன் கூடிய குழம்பு மற்றும் நான்கு வகையான பொரியல் என்று சாப்பாட்டுடன் மதிய உணவு சுபிச்சமாக முடிந்தது.

ஒரு வழியாக நண்பர் திரு. மோகன் மற்றும் அண்ணாமலை உடன் பொங்கல் இனிதாகவே அமெரிக்காவில் முடிந்தது.

திரைக்கலவைகள்

The A team – ஆங்கிலம்

அமெரிக்கா இராணுவத்தில் இரகசிய புலனாய்வு பிரிவில் பணி புரியும் நான்கு பேர்களை பற்றிய கதை. கதை என்று பார்த்தால் நான்கு பேரும் அவர்களது உயர் அதிகாரிகளால் ஏமாற்றப்பட்டு தூரோகம் செய்துவிட்டதாக பழி சுமத்தப்பட்டு  சிறையில் அடைக்கப்படுகின்றனர். அவர்கள் எப்படி சிறையில் இருந்து தப்பித்தார்கள் மற்றும் எப்படி தங்களின் அவபெயரை நீக்கினார்கள் என்பதே மீது சுவரய்யமான திரைக்கதை. அவர்களின் திறமை என்ன, அவர்களின் என்ன மாதிரியான வேலையை செய்பவர்கள் என்பதை படத்தின் முதல் முப்பது நிமிடத்திலேயே தெரிந்துக் கொள்ளலாம். இவர்களிடம் தான் சண்டை காட்சிகள் எப்படி எடுக்க வேண்டும் என்பதை தெரிந்துக் கொள்ள வேண்டும். படத்தின் பலமே திரைக்கதை, நடிப்பு மற்றும் இசை. மேலும் இது அமெரிக்காவின் இராணுவ படமாக இருந்தாலும் மகாத்மா காந்தி அவர்களின் அகிம்சை பற்றி தெளிவான கொள்கை விளக்கம் இப்படத்தில் வருகிறது.

நேரம் கிடக்கும் போது கண்டிப்பாக இப்படத்தை காணலாம்.

Maryada Ramanna – தெலுங்கு

சமீபகாலமாக தெலுகு திரையுலகில் நான் கேட்டவரை அல்லது பார்த்த வரை நல்ல படம் என்று இல்லை. அப்படி பட்ட நிலையில் ஒரு குடும்பத்துடன் பார்க்கக்கூடிய ஒரு நகைச்சுவை நிறைந்த படம் தான் இது. கதாநாயகன் யார் என்று பார்த்தால் அத்தடு போன்ற திரைப்படத்தில் சிறு கதாபாத்திரத்தில் நடித்த நகைச்சுவை நடிகர் சுனில். நம்ப தான் முடியவில்லை. மனுஷன் பிச்சு எடுக்கிறார்.அவருக்காக தான் இப்படமே.

கதை என்று பார்த்தால் எப்போதும் போல் இரண்டு குடும்ப சண்டை. முதல் குடும்பத்தின் உள்ள இரண்டு ஆண் மக்களில் ஒருவனை இரண்டாம் குடும்பத்தினர் கொன்று விடுகின்றனர். இதன் காரணமாக இரண்டாம் குடும்பத்தில் உள்ள அனைவரையும் கொல்ல, முடிவில் ஒரு சிறு பையன் தப்பித்து இருப்பான். அவனையும் கொல்ல அக்குடும்பம் காத்து கொண்டு இருப்பது தெரியாமல், அவ்வீட்டிற்கே சென்று, விஷயம் தெரிந்த உடன் எப்படி தப்பி செல்கின்றான் என்பதே மீதி கதை. இதில் நகைசுவையே விஷயம் தெரிந்த உடன், வீட்டை விட்டு வெளியே வராமல் இருக்க எப்படி சமாளிக்கிறான் என்பதே அருமையாக இயக்குனரும், நடிகரும் கொடுத்து இருப்பார்கள்.

முன்பே சொன்னது போல், நகைச்சுவைக்காக பார்க்கலாம்.

Unstoppable – ஆங்கிலம்

என்ன தான் பல இயந்திரங்களை மனிதன் கண்டுபிடித்தாலும் அதை தனக்கு கீழ் மட்டுமே வைத்து இருக்க வேண்டும். மனிதனை மீறி அது செயல் பட்டால் அதன் விளைவு என்னவாக இருக்கும் என்பதை யாராலும் சொல்ல முடியாது. அந்த இயந்திரம் சின்னதாக இருந்தாலும் சரி, பெரியதாக இருந்தாலும் சரி, விளைவுகளை பற்றி நம்மால் யோசிக்க முடியாது. இந்த வரிகளை நினைவில் வைத்து, இயக்குனர் இப்படத்தை கொடுத்து உள்ளார். இந்த வரிக்கு சான்றாக நாம் தினமும் பயன் படுத்தும் இரயில் வண்டியை எடுத்து அதுவும் நம்மூர் வண்டி இல்லை, அமெரிக்காவில் ஓட கூடிய வேகமான இரயில், நம்மை மறந்து நாமும் அந்த இரயிலுடன் பயணிப்பதே கதை. கதையின் கரு என்னவென்றால் ஓட்டுனர் இல்லாத இரயில் எப்படி இயங்கும் மற்றும் அதன் விளைவுகள் என்ன என்பதை இயக்குனர் கொடுத்து உள்ளார்.

இரயில் மெதுவாக புறப்பட்ட உடன், ஓட்டுனர் வழிதடத்தை சரி செய்ய வண்டியை கண்ட்ரோல் செய்யும் கம்பியை வைத்து கீழே இறங்க, அந்த கம்பி சரியாக அமராததல், கண்ட்ரோல் இறங்கி மீண்டும் இரயிலின் வேகம் மீண்டும் பிடிக்கிறது. ஓட்டுனர் வேகமாக முயற்சித்தும் இரயிலை பிடிக்க முடியவில்லை. நேரம் செல்ல செல்ல, இரயில் மணி நேரம் வேகத்திற்கு செல்ல ஆரம்பிக்கிறது. விஷயம் அமெரிக்காவின் மேல் இடத்திற்கு போக, போலீஸ், இரயில்வே துறை என்று அனைத்து பிரிவுகளும் இரயிலை நிறுத்த முயற்சி கொள்கின்றனர். ஆனால் முடியுமா என்று இரயில் வேகம் செல்கிறது.

நம்மை சூடு ஏற்றும் காட்சிகள் சில

இரயில் இரசாயன சம்பந்தபட்ட திரவங்கள் இருக்கும். அதனால் அந்த இரயில் கவிழ்ந்தாலும் விளைவுகள் பல இருக்கும். அதனால் இரயில் கவிழாமல் நிறுத்த வேண்டும்.

இரயில் செல்லும் வழி தடத்தில் அதற்கு எதிராக பள்ளி குழந்தைகளை ஏற்றி கொண்டு வரும் ஒரு சுற்றுலா இரயில் வருகிறது

நாயகர்கள் ஒட்டி செல்லும் இரயிலும் எதிரே வருகிறது.

இரயில் செல்லும் வழியில் குறிப்பட்ட வேகத்தில் மட்டுமே செல்ல வேண்டும் என்ற இடத்தில், வேகமாக சென்றால் இரயில் கவிழ்ந்து விடும். அப்படி பட்ட வழி தடத்திலும் நம் வண்டி பயணம் செல்கிறது. ஆனால் அந்த குறிப்பிட்ட வேக அளவை தாண்டினால், கண்டிப்பாக வேண்டி கவிழ்ந்துவிடும் அதுவும் அது விழும் இடம் பெட்ரோலிய பொருட்களை சுத்தம் செய்யும் இடம். ஆக விளைவுகள் படு பயங்கரமாக இருக்கும்

இத்தனையும் மீறி நாயகர்கள் எப்படி இரயிலை நிறுத்தினர் என்பதே கதை. பார்க்க அமர்ந்த உடன் நம்மால் வேறு விஷயத்தை பற்றி யோசிக்கவே முடியாத அளவு கட்டி போட்டதே இயக்குனரின் வெற்றி.

The Tourist – ஆங்கிலம்

இந்த மாதிரியான மொக்கை படத்தை பார்த்ததே பெரிய விஷயம். நேரம் செலவழித்து அதை பற்றி எழுத விருப்பம் இல்லை.

பனி மலர்கள்

புது வெள்ளை மழை இங்கு பொழிகின்றது

இந்தக் கொள்ளை நிலா உடல் நனைகின்றது

இங்கு சொல்லாத இடம் கூடக் குளிர்கின்றது

மனம் சூடான இடம் தேடி அலைகின்றது

இன்று என் மனம் முழுவதும் இந்த வரிகள் தான். நேற்று இரவு பொழிய ஆரம்பித்த வெள்ளை பனி மலர்கள் இன்று காலை வரை பெய்தது. மனம் முழுவதும் எதோ ஒரு புரியாத சந்தோஷம்.

நான் முதல் முதலில் அமெரிக்கா வந்து காலை வைத்த போது, பனி மலர்கள் பொழிவது நின்று எங்கும் பனி போர்வையாக தெரிந்தது. அன்று முதலில் ஏமாற்றபட்டேன். இரண்டு வாரம் முன்பு பத்து வினாடிகள் பொழிந்து காணமல் போனது. இரண்டாவது முறையாகவும் ஏமாற்ற பட்டேன். ஆனால் இன்று என் கனவு பலித்தது போல் இரவு முழுவதும் வெள்ளை பனி புஷ்பங்கள். காலையில் நேராக வெளியில் சென்று, நின்று பனி மலர்களை நானும் தொட்டேன் அதோடு பறிக்கவும் செய்தேன் என்றால் என்னால் நம்ப தான் முடியவில்லை. 

திரைக்கலவைகள்

Band Baaja Baraat – ஹிந்தி

மீண்டும் இனிமையான ஒரு நகைச்சுவை கலந்த காதல் கதை. படிப்பை முடிப்பதற்குள் தொழில் ரீதியாக நட்புடன் பழக்கம் ஆரம்பித்து, நாயகனுக்கு தெரியாமல் நாயகி மனதில் காதல் கொண்டு, ஒரு சிறு பிரச்சனைக்காக பிரிந்து மீண்டும் எப்படி சேர்கிறார்கள் என்பதே கதை. அறிமுக நாயகன் ரன்வீர் சிங்க், குறை கூற முடியாதபடி இயல்பான நடிப்பு. நான் இப்படம் பார்த்தே இப்படத்தின் நாயகிக்காக தான். ஆம் வடஇந்தியாவில் பிடித்த நாயகிகளில் ஒருவரான அனுஷ்கா ஷர்மா. பாடல்களில் இரண்டு பாடல் கூட கேட்கும் ரகம். முக்கியமாக சொல்லப்பட வேண்டியவர் ஒளிபதிவாளர். கல்யாண விஷேசம் மற்றும் பாடல் ஆகட்டும், அவரது திறமை நம் கண்ணால் காணலாம். கதாநாயகிகளை எப்படி தான் இப்படி அழகாக கட்டுகின்றனர் என்பதே தெரியவில்லை. அனுஷ்கா அனுஷ்கா தான். தமிழ் திரையுலக ஆடை அலங்கார தொழில் செய்பவர்கள் நிறைய கற்று கொள்ள வேண்டும் என்பதை இப்படத்தை பார்த்தாலே தெரியும். 

கண்டிப்பாக குடும்பத்துடன் இப்படத்தை காணலாம்.

Brindaavanam – தெலுங்கு

தெலுகில் வெளியான 2010ல் ஹிட் படங்களில் இப்படம் இருந்ததால் படத்தை பார்க்க ஆரம்பித்தேன். ஹீரோ யாருன்னா சின்ன என்.டி.ஆர். இவரும் நிஜ மசாலா ஹீரோ. அத இந்த படத்தில அறிமுக சீன்ல தெரியும். முடிலப்பா.

உண்மை சொல்ல போனால் நான் பார்க்க ஆரம்பித்ததே இப்படத்தில் இருக்கும் இரண்டு நாயகிகள் தான் காரணம். சமந்த மற்றும் காஜல். படம் முழுவதும் மொக்கை தனமாக போனாலும், இந்த இரண்டு பேருக்காக தான் படம் முழுவதும் வண்ண கோலமாக தெரிகிறது. காஜல் இப்படத்தில் வீணடிக்கப் பட்டு இருப்பார். காஜல் என்ற பதுமையின் அழகை காட்டிய மகதீராவின் படத்தின் பத்து சதவீதம் கூட இப்படத்தில் இருக்காது என்பதே உண்மை.

கதை என்று பார்த்தால், சமந்த காதலி சொன்ன காரணத்தால் காஜல் வீட்டிற்கு போய் சமாளிக்க, வீட்டில் இருவருக்கும் திருமணம் செய்ய முடிவு எடுக்க படுகிறது. முடிவில் யாரை கை பிடித்தார் என்பதே ஒரு ஆச்சி மசாலாவுடன் பார்க்கலாம்.

பொழுது போகமால் இருக்கும் போது, அப்ப அப்ப இப்படத்தை காணலாம்.

Daylight Robbery – ஆங்கிலம்

எந்த வித அடையாளமும் இல்லாமல் ஒரு வங்கியை கொள்ளை அடித்து விட்டு, அதுவும் அந்த நாட்டை விட்டு வெளியேற முடியுமா. முடியாது என்றால் இந்த ஓடத்தை பாருங்கள்.

கதை என்னவென்று பார்த்தால், இங்கிலாந்தில் இருந்து ஜெர்மனுக்கு உலககோப்பையை காண வரும் கூட்டத்தில் ஒரு கும்பல் வந்து, உலககோப்பை முடிந்து ஊருக்கு கிளம்பும் நேரத்தில் “லண்டன் உலக வங்கி”யில் பல கோடிகளை சில மணி நேரத்தில் கொள்ளை அடித்து விட்டு அடையலாம் எதுவும் இல்லாமல் அவர்கள் ஊருக்கு கிளம்பி செல்கின்றனர். இப்படியும் கொள்ளை அடிக்க முடியுமா என்பதை, நாமும் சேர்ந்து யோசித்து பார்ப்போம்.

இப்படம் ஆக ஓகோ இல்லை என்றாலும், ஒரு முறை பார்க்கலாம்.

புத்தாண்டு வாழ்த்துக்கள்

நண்பர்கள், உறவினர்கள், மற்றும் என் பதிவை படிக்கும் சக தோழர்கள் அனைவருக்கும் என்னுடையை புத்தாண்டு வாழ்த்துக்கள்.

இந்த புத்தாண்டு மனதில் உள்ள குறைகளை குறைத்து நிறைவை நிரப்பட்டும்