திரைவிமர்சனம்

12 ரௌண்ட்ஸ் (ஆ)

ஒரு தீவிரவாதியை ஒரு போலீஸ் பிடிக்கும் போது, எதிர் பாராவிதமாக தீவிரவாதியின் காதலி இறந்துவிட... அதே தீவிரவாதி ஒரு ஆண்டுக்கு பிறகு மீண்டும் வந்து அதே போலீஸ்சை கொல்ல நினைக்க, அதற்கு பொது மக்களையும் & மனைவியும் பலியாடாக வைத்து மிரட்ட... எப்படி தீவிரவாதி இறக்கிறான் அனைவரும் எப்படி மீண்டனர் என்பது கதை.

பல திரைப்படங்களை பார்த்ததாக நினைக்க தோன்றுகிறது.

நோயிந் (ஆ)

50 வருடத்திற்கு முன்னால் ஒரு சிறு பெண்ணால் எழுதப்பட்ட ஒரு கடிதத்தில் உலகில் ஏற்படும் முக்கிய அழிவுகளும், உலகம் அழியும் நேரம் குறிப்பிட பட்டு இருக்கும். அது உண்மையா இல்லையா... புது உலகம் இருக்குமா? என்று கேள்விகளுக்கு விடை சொல்லும் திரைப்படம். திரில்லராக எடுக்கப் பட வேண்டியது, ஆனால் எழுதுகின்ற அளவிற்கு இல்லை.

நாடோடிகள்

சுப்ரமணியபுரம் திரைப்பட வழியில் (நடிப்பு, கதை, நடிகர்கள்) இருந்தாலும், இதன் வலு கதை தான். இப்படம் மிக மிக குறைந்த வேகத்துடன் போனாலும், கதை அனைவரையும் கட்டி போடுகிறது. இத்திரைப்படம் பார்த்த பிறகு நண்பர்கள் யாரேனும் நம்மிடம் காதலுக்கு உதவி என்று கேட்டு வந்தால், கண்டிப்பாக சிறிது நேரம் சிந்திக்க தோன்றும்...இப்படி சிந்திக்க வைத்தது தான் இத்திரைப்படத்தின் வெற்றி.

அனைவரும் நன்றாக நடித்து இருந்தாலும், என் மனதில் நிற்பது சசிகுமார் மற்றும் கஞ்சா கருப்பு. கஞ்சா கருப்பின் புலம்பல் கண்டிப்பாக சிரிக்க வைக்கும் என்பதில் ஐயம் இல்லை.

மாயாண்டி குடும்பத்தார்

வானத்தை போல, ஆனந்தம் போன்ற அண்ணன், தம்பி உறவுகளை பற்றி திரைப்படம் பார்த்து ஆகி விட்டத்தால் என்னவோ ஆண் இயக்குனர்களின் படம் மனதில் நிற்க மறுக்கிறது. திரைப்படத்தில் அனைவரும் நன்றாக நடித்து உள்ளனர் நாயகன், நாயகியை தவிர.

தமிழ் சினிமாவின் கதை என்பதால், கொலை செய்யும் நோக்கத்தில் இருக்கும் அனைத்து உறவுகளும் கடைசியில் சேர்ந்து விடுகின்றனர். மதுரை மாவட்டம் மற்றும் அதன் அருகில் எடுத்தால் படம் ஓடி விடுமோ (திரை அரங்கத்தை விட்டு அல்ல) என்ற எண்ணத்தில் எடுத்த படம் என்று தோன்றுகிறது.

-- சன் தயாரிப்பில் வெளிவரும் படங்கள், சுந்தர் சி நடிக்கும் படங்கள், பேரரசு இயக்கம் படங்கள் - ஒப்பிடும் போது இப்படம் மிக நன்றாக உள்ளது.

என்னத்த சொல்ல - நல்ல விஷயம்

எனது பதிவுகளைப் பார்த்து எனது தொழில்நுட்ப கல்லூரி நண்பர் குமரேஷ் அவர்களும், பதிவு உலகில் கால் வைத்து இருக்கிறார். பெருமைப் பட வேண்டிய விஷயம்.

எனக்கு ஊக்கம் அளித்த நண்பர்கள் அனைவரும், அவருக்கும் ஊக்கம் அளிக்குமாறு கேட்டுக் கொள்கிறேன்.

நண்பரின் பதிவு: http://bewithbk.blogspot.com/

திருமண வாழ்த்துகள் - பிரகாஷ் உதயக்குமார்

எனது பழைய அலுவலக நண்பர் திரு. பிரகாஷ் அவர்களுக்கு இம்மாதம் 26ம் தேதி திருமணம் நடைப் பெறுவதை தெரிவித்து கொண்டு, என்னுடைய திருமண வாழ்த்துகளை தெரிவித்து கொள்கிறேன்...

இவரது திருமணம் கோயம்புத்தூரில் நடைப்பெறுகிறது. எனது தனிப்பட்ட வேலையின் காரணமாக திருமணத்திற்கு செல்ல முடியாததை நினைத்து வருந்துகிறேன்

மன கேள்வி

பெருமாள் கோவிலில் இருக்கும் சக்கரத்தாழ்வார் என்பது யார்? பெருமாளுக்கும் இவருக்கும் என்ன தொடர்பு? இவர் பின்னால் ஏன் யோகா நரசிம்மர் இருக்க வேண்டும்..

திருமண வாழ்த்துகள் - ஷகுல்

எனது பழைய அலுவலக நண்பர் திரு. ஷகுல் அவர்களுக்கு இம்மாதம் 12ம் தேதி திருமணம் ஆனதை தெரிவித்து கொண்டு, என்னுடைய திருமண வாழ்த்துகளை தெரிவித்து கொள்கிறேன்...

இவரது திருமணம் தென்காசி அருகே உள்ள கடையநல்லூரில் நடைபெற்றது. எனது ஊரான திருநகர், அறுபடை வீடுகளில் ஒன்றான திருப்புரங்குன்றம் அருகில் தான் உள்ளது. 17 ஆண்டுகளுக்கு பிறகு முதல் முறையாக இப்போது தான் அங்குள்ள இரயில்வே நிலையத்திற்கு சென்றேன். சென்னையில் புறநகர் இரயில் எப்படி பயன்படுகிறதோ, அதே போல் செங்கோட்டைக்கு செல்லும் இந்த இரயிலுக்கும் கூட்டம். மூன்று மணி நேர பயணத்தில் கடையநல்லூர் அடைந்தேன். முஸ்லிம் மத முறைப்படி திருமணம் நடைப்பெற, அவர்களுக்கு உரித்தான மதிய உணவு :) ஆட்டு பிரியாணி, கோழி வறுவல் என களைகட்டியது. ருசியே ருசி. அடுத்த ஒரு மாதத்திற்கான பிரியாணி, ஒரு வேளை சாப்பாட்டுடன் முடிந்தது.

என்னதான் வெயில் அடித்தாலும், தென்காசி அருகில் இருப்பதால் அதிகபடியான சூடு தெரியவில்லை. மீண்டும் அரசு பேருந்தை பிடித்து, மதுரைக்கு வந்து ஆகி விட்டது. பலமுறை தென்காசிக்கு சென்று இருந்தாலும், இந்த முறை பகலில் பிரயாணம் என்பதால் பல புது ஊர்களை பார்த்தது போல் இருந்தது. கடையநல்லூர் ஊரை சுற்றிப் பார்க்க முடியாமல் போனதால், மீண்டும் அவ்வூருக்கு செல்லும் வாய்ப்புக்காக காத்துக் கொண்டு இருக்கிறேன்.