வைகையின் சாரல்

எஸ். என். லட்சுமி - அஞ்சலி

2012-02-20T19:12:00.000+05:30

தமிழ் திரையுலத்தில் மறக்க மற்றும் அழிக்க முடியாத ஒரு குணசித்திர மற்றும் நகைசுவை பாட்டி நடிகை எஸ். என். லட்சுமி இன்று காலமானார் என்பதை ஆழ்ந்த வருத்ததுடன் தெரிவித்து கொள்கிறேன்

இவரது இழப்பு, திரையுலத்திற்க்கு பெரிய இழப்பு இன்பத்தில் ஐயமில்லை

இவரின் நடிப்புக்கு மிக சிறந்த உதாரணம்

கிருஷ்ணா குமார் - திருமண வாழ்த்துக்கள்

2012-02-09T08:00:00.001+05:30

நான் முதன் முதலில் அமெரிக்கா சென்று இறங்கிய போது, என்னை விமான நிலையத்தில் வந்து அழைத்து கொண்டு, அவர் வீட்டிற்கு கூட்டி சென்று, டாலர் தேசத்தில் முதல் நாளே இந்திய உணவு கிடைக்க செய்தவர். சுமார் ஒரு வருடத்திற்கு மேல், அனைவரும் சேர்ந்து தான் இருந்தோம். தான் உண்டு, தன் வேலை உண்டு என இல்லாமல், அனைத்து உதவிகளையும் செய்து, டாலர் தேசத்தை புரிந்து கொள்ள உதவியவர். என்ன தான் பல பிரச்சனைகள் அவருக்கு இருந்தாலும், அவரின் பொறுமை மற்றும் மன வலிமையை பார்த்து அசந்து போனது உண்டு. இவரின் மூலமாக எனக்கு நான் இருந்த இடத்தில் பல தமிழ் மக்களின் பழக்கம் ஏற்பட்டது. அதனால் தான் இவர் சென்ற பிறகும், ஓரளவு சமாளிக்கும் நிலைமை எனக்கு கிடைத்தது. ஒரு வருட பழக்கமே (இரயில் சிநேகம்) என்றாலும், இந்த மாதிரியான மனிதரை பார்ப்பது அபூர்வம். நான் பழகின சிநேகங்களை, தொடர்பு எல்லைக்குள் எப்போதுமே வைத்து இருக்கும் பழக்கம் இவருக்கும் பொருந்தும்.

அவருடைய திருமணம் இன்று கோவையில் நடைபெறுவதை தெரிவித்து கொண்டு, என்னுடைய மனமார்ந்த வாழ்த்துக்களை தெரிவித்து கொள்கிறேன். பல வருடங்களுக்கு பிறகு இன்று நான் கோவையில்.

டெல்லி பெல்லி - திரைவிமர்சனம் – 2011 – Delhi Belly

2012-02-08T05:00:00.002+05:30

இன்னுமும் தமிழில் அருவாள், மண்வாசனை, அம்மா/அப்ப/தங்கை பாசம் போன்ற படங்கள் மற்றும் தினசரி வாழ்க்கையில் நடக்கும் சம்பவங்களை காட்டும் படமே எடுக்கபடுகிறது மற்றும் ஓட்டவும் படுகிறது. அதை மீறி படங்கள் எடுத்தால் கஷ்டம் தான். மக்களின் ரசனை அவ்வளவு தானா? அல்லது ரசனையை வெளிபடுத்த மறுக்க படுகிறதா அல்லது தமிழ் என்ற உணர்வின் காரணமா என்ற கேள்வி இன்னும் தமிழ் திரைஉலகத்தில் இருக்கிறது. இதை அனைத்தையும் உடைத்து விட்டு, மக்களின் வேறு ரசனையை தட்டி எழுப்பிய படம் என்று இத்திரைப்படத்தை கூறலாம். வெறுமனே ஜாலியான திரைக்கதை மற்றும் இளசுகளை கட்டி போடும் காட்சி மற்றும் வசன அமைப்புகள் வைத்து கொண்டு இரண்டு மணி நேரம் ஒரு திரைப்படம் என்றால் இது தான். அனைத்து காட்சிகளும் மற்றும் வசனங்களும் தமிழ் நாட்டை பொறுத்த வரை கெட்ட காட்சிகள் மற்றும் கெட்ட வார்த்தைகள் என்றால் யூகித்து கொள்ளுங்கள்.

இம்ரான்கான் ஒரு செய்திமைப்பாளர். அவரின் காதலி விமானத்தில் பணிபுரியும் ஒரு நங்கை. இம்ரான் உடன் குன்னால் மற்றும் அருப் தங்கி இருப்பார்கள். கள்ள கடத்தல் செய்யும் கும்பல், காதலி வழியாக ஒரு பார்சலை கொண்டு வந்து இருப்பார்கள். அவள் அந்த பார்சலை அனுப்புவதற்கு இம்ரானை கேட்க, இம்ரான் குன்னலை கேட்க, குன்னால் அருப்பை கேட்க, கடைசியில் பார்சல் மாறி சென்று விடுகிறது. அதனால் ஏற்படும் விளைவுகள் மற்றும் காதல் என்ன ஆனது என்று எல்லா கேள்விகளுக்கும் முடிவில் பதில்.

இம்ரான் உடன் வேலை பார்க்கும் பூர்ணவின் மறுவாழ்க்கை, குன்னலின் குறுக்கு புத்தி, அருப்பின் காதல், கள்ள கடத்தல் கும்பல் என்று பல கிளைகள். இத்தனையும் இரண்டு மணி நேரத்தில் வயிறு குலுங்க சிரிக்க வைக்கிறார்கள் அதுவும் தமிழ் உள்ள அனைத்து கெட்ட வார்த்தைகளுடன். உச்ச கட்டமாக, குன்னால் தன்னுடைய வீட்டு சொந்தகாரரை மிரட்ட, அவர் போட்டோ எடுக்க செல்லும் இடமும், காசு கொடுத்த பின் கை வைக்கும் இடமும், முடியல. அதே போல் இம்ரான் தன் காதலி உடன் இருக்கும் காட்சிகள் படத்தின் வரம்புக்கு உச்சகட்டம். அருப் தன் காதலில்லை பற்றி குறை சொல்வதாக காட்டும் காட்சிகள் வசனத்தின் வரம்பு. இதற்கு மேல் கெட்ட வார்த்தைகளுடன் எழுத முடியாது. இதே போன்ற காட்சிகளை தமிழில் கற்பனை செய்ய முடியவில்லை.

வறச்சி இல்லாமல் கண்கள் முழுவதும் பல வண்ணங்கள். காரணம் அதற்கு காரணம் ஒளிபதிவாளர் ஜசோன். அருமையான காட்சி அமைப்புகள். பாடல்கள் தான் ஏனோ மனதில் நிற்க மறுக்கிறது. அதே போல் பின்னணி இசை சுமார் ரகம் தான். மொத்தத்தில் டெல்லி பெல்லி வயது வந்தவர்களுக்கு ஒரு அருமையான படம். தமிழில் இதே படத்தை எடுத்தால், கண்டிப்பாக மெகா ஹிட் தான்.

திருக்கடையூர் கோவில் - ஆறுபதாம் கல்யாணமா?

2012-02-07T18:24:00.000+05:30

சென்ற பதிவில் நான் போட்ட திருக்கடையூர் கோவில் பதிவை பார்த்து என்னிடம் சில பேர் அக்கோவிலை பற்றியும், அதனுடைய சிறப்பு அம்சத்தை பற்றியும், அங்கு சென்று வந்தால் எவ்வளவு செலவு ஆகும் என்பதையும் கேட்கின்றனர். திருக்கடையூர் கோவிலை பற்றி உங்களுக்கு ஒன்று தெளிவுபடுத்த விரும்புகிறேன். என் வீட்டிற்கு பின்னால் இருந்த என் குல வம்சவழியினர், 75ம் வயது சிறப்பு கல்யாணத்தை செய்து கொண்டனர். அதனால் தான் அம்மாதிரியான கல்யாணத்தை பற்றி தெரிந்து கொள்ள ஆர்வம் கொண்டு, ஆராய தொடங்கினேன். எனக்கு தெரிந்த சென்னை, மதுரை மற்றும் திருச்சி மக்களிடம் நான் ஆறுபதாம் கல்யாணம் பற்றி கேட்டும் போது, இதே கோவிலை தவறான பெயருடன் சொன்னார்கள். நான் இக்கோவிலின் பெயரை சொன்ன உடன், ஆம் என்று சொன்னார்கள்.

நான் அந்த கோவிலுக்கு சொல்லும் பொழுது, அங்கு மூன்று கல்யாண நிகழ்ச்சிகளை காண முடிந்தது. பார்க்கும் போது எல்லாமே ஆறுபதாம் கல்யாணம் போல் தான் இருந்தது. ஆனால் எங்குமே கூட்டம். மூன்று அல்லது நான்கு பேருந்துகளை பார்க்க முடிந்தது. நான் பொது அறிவு வேண்டி, இந்த விழாவை பற்றி கேட்க, கோவில் அலுவலகம் சென்றேன். அவர்கள் போட்ட பட்டியல்.

கோவிலுக்கு கட்ட வேண்டிய பணம் - ~ ரூ.1526 . இரண்டு விதமான திருகல்யாணங்கள் உள்ளன. முதல் விழாவுக்கு ~ ரூ.4000 (இரண்டு மணி நேரம் பூஜை) மற்றும் இரண்டாம் விழாவுக்கு ~ ரூ.8500 (நான்கு மணி நேரம் பூஜை). நம்முடைய பொருளாதார சூழ்நிலையை பொருத்து ஏதாவது ஒன்றை எடுத்து கொள்ளலாம். அது போக, நாம் வாங்கி கொண்டு செல்ல வேண்டிய சில பொருட்களை பட்டியல் இட்டனர்.

இப்பதிவின் காரணத்திற்கு வருவோம். மேற்சொன்ன அனைத்து செலவுகள் செய்தால் கூட, சிறப்பாக விழா இருக்கும் என்பது சொல்ல முடியாது என்பது சில பேரின் கருத்து. இதற்கு காரணம் இக்கோவிலை பற்றி பல பேருக்கு தெரிந்து விட்டதால், கூட்டம் அலை மோதுகிறது. இதையே பயன்படுத்தி, புனிதமாக செய்ய வேண்டிய கல்யாணத்தை, வருமானம் வரும் தொழிலாக நினைத்து செய்ய ஆரம்பித்து விட்டனர். நம்மிடம் எவ்வளவு பணத்தை பிடுங்கி செய்ய முடியுமோ, அவ்வளவு அவர்கள் பிடுங்க நினைப்பார்கள் என்று கேள்வி பட்டேன்.

இரண்டாவது காரணம், தென் தமிழ் நாட்டில் இருந்து இக்கோவிலுக்கு செல்ல ஆறு மணி நேரத்திற்கு மேல் ஆகி விடுகிறது. சென்னையில் இருந்தும் ஐந்து மணி நேரம் ஆகும் என்று நினைக்கிறேன். ஆறுபதாம் கல்யாணம் என்பதால், அனைத்து சொந்தங்களையும் அழைத்து செல்ல வேண்டிய கட்டாயம். அதனால் பேருந்தை எடுத்து செல்ல வேண்டிய சூழ்நிலை. புதன் கிழமை கல்யாணம் என்றால், செவ்வாய் மாலை பொழுதில் சிறு பூஜை நடத்த வேண்டி இருக்கும் மற்றும் புதன் கிழமை காலையில் விழா இருக்கும். இதன் காரணமாக செவ்வாய் கிழமை மதியமே அங்கு சென்று தங்கி விட வேண்டும். ஆக மொத்தம் அழைத்து சென்ற அனைவருக்கும் தங்க ஏற்பாடு, உணவு என்று பார்க்கும் போது, கண்ணை கட்ட ஆரம்பித்து விடுகிறது.

எனக்கு மனதில் இருந்த அனைத்து இக்கோவிலின் அனைத்து விஷயங்களையும் எழுதி விட்டேன். இப்பதிவில் இருக்கும் அனைத்து விஷயங்களும், நான் பார்த்து, கேட்டது மற்றும் என் கருத்து மட்டுமே. மீண்டும் கோவில் மற்றும் சில புனிதமான விஷயங்கள், பணத்திற்கு அடிமை ஆகி அதன் உண்மையான நிறத்தை இழந்து விட்டது என்பதற்கு ஆதாரமாக இதை கருதுகிறேன்.

சமீபத்தில் பார்த்தது - ஆன்மிகம்

2012-02-04T22:16:00.000+05:30

ஒரு பொருளோ/ கோவிலோ/ உறவோ, நம் அருகில் இருக்கும் போது அதனுடைய அருமை எப்போதும் தெரியவே தெரியாது. ஆனால் அதை விட்டு விட்டு பிரிந்த பின்னர் தான் அதனுடைய அருமை/பெருமை எல்லாம் புரியும். இது எனக்கு மட்டும் அல்ல, எல்லோருக்கும் இருக்கும் ஒரு குறை அல்லது பொது குற்றச்சாட்டு.

நான் அமெரிக்காவில் இருக்கும் போது, என்னை சுற்றி பல வடஇந்திய நண்பர்கள் இருந்தார்கள். குஜராத், ஒரிசா, புனே, மும்பை மற்றும் பஞ்சாப் என்று பல மாநிலத்தார். சில பேர் இந்துத்துவ கொள்கை உடையவர்கள் குறிப்பாக குஜராத் மக்கள். அவர்கள் உடன் பேசும் போது தான் வானவெளி கிரகங்களை வார்த்தை வந்தது. அதனின் தொடர்ச்சியாக நவக்கிரக கோவில்கள் பற்றி பேச்சுகள் செல்லவே, நான் கேட்டு கொண்டு இருந்தேன். அப்போது கூட்டத்தில் இருக்கும் ஒரு நபர், தமிழ்நாடு கோவில்களை பற்றி பேச, எல்லோர் பார்வையும் என் மேல் விழுந்தது. நான் நவக்கிரக கோவில்களை பற்றி கேள்வி பட்டு இருக்கிறேனே தவிர, நான் எந்த கோவிலுக்கு சென்றதில்லை. இந்த உண்மையை எல்லா மாநிலத்தார் முன்னால் கூறவே மனம் வெட்க பட்டாலும், சபையில் ஒத்துக் கொண்டேன். அன்று இரவே ஓர் முடிவு. தமிழ் நாட்டிற்கு சென்ற உடன் கண்டிப்பாக இந்த நவக்கிரக கோவில்களை காண வேண்டும் என்று ஓர் உறுதி. அந்த முடிவுடன் கோவில்களை பற்றி ஆராய தொடங்கினேன். இந்த கோவில்கள் உடன் பஞ்சபூத கோவில்களும் கருத்தில் எடுத்து கொண்டேன்.

எல்லா கோயில்களும் கும்பகோணம் மற்றும் மயிலாடுதுறை அருகில் இருந்து சுமார் 60 கி. மீ தூரத்தில் வந்து விடுகிறது. சொல்ல போனால் இரண்டு நாட்களில் எல்லா நவக்கிரக திருத்தலங்களை கண்டு விடலாம்.

1. நவக்கிரக நாயகர்கள் வழிபட்டு தம் பாவங்கள் தீர்த்த "திருமங்கலக்குடி "

2. சூரியபகவான், உஷா தேவி, சாயா தேவியுடன் அருளும் "சூரியனார் கோயில்"

3. முக்கண்ணனின், இடது கண்ணான " சந்திர பகவான் " அருளும் "திங்களூர்"

4. புத்திர மற்றும் பொருள் காரகனான "குரு பகவான்" அருளும் " ஆலங்குடி"

5. சாயா கிரகமான " ராகு பகவான்" குடி கொண்டுள்ள " திருநாகேஸ்வரம்"

6. கல்விக்கு அதிபதியாம் "புதன்" குடி கொண்டுள்ள "திருவெண்காடு"

7. சுப யோக அதிர்ஷ்டங்களை அருளும் "சுக்கிரன்" குடி கொண்டுள்ள "கஞ்சனூர்"

8. ஞான காரகனான " கேது பகவான் " அருள் புரியும் " கீழப்பெரும்பள்ளம் "

9. பூமி மற்றும் சகோதர காரகனான, "செவ்வாய்" உறையும் "வைதீஸ்வரன் கோயில்”

நான் சென்னை வந்து நான்கு மாதங்களில் (இந்த ஒன்பது தலங்களில்) இரண்டு கோவிலுக்கு மட்டுமே செல்லும் வாய்ப்பு கிடைத்தது. நான் யோசிக்காமல் செய்த மிக பெரிய வேலை, மதுரையில் இருந்து கார் எடுத்து சென்றது. மதுரை கார் டிரைவர்களுக்கு கும்பகோணம் மற்றும் அதனை சுற்றி உள்ள பகுதிகள் பற்றி தெரியவாய்ப்பில்லை. அதனால் எங்கு சென்றாலும், கோவில் செல்லும் வழியை பற்றி கேட்டு கேட்டு செல்ல நேரம் ஆகி விடுகிறது. ஒரு காலை பொழுதில் மூன்று கோயிலை பார்க்க வேண்டிய நாங்கள் இரண்டை மட்டுமே பார்க்க முடிந்தது.

அந்த இரண்டு தலங்கள்

கஞ்சனூர் (இணைய தளத்தின் உதவியுடன்)

கஞ்சனூர் அக்கினீஸ்வரர் கோயில் அப்பர் பாடல் பெற்ற சிவாலயமாகும். இது தஞ்சாவூர் மாவட்டத்தில் திருவிடைமருதூர் வட்டத்தில் காவிரிக்கு வடக்கே அமைந்துள்ளது. கும்பகோணத்தில் இருந்து 16 கிலோமீட்டர் தூரத்திலும் சூரியனார் கோயிலில் இருந்து 2 கி.மீ.தொலைவிலும் மயிலாடுதுறையில் (மாயவரம்) இருந்து 20 கி.மீ. தொலைவிலும் இத் தலம் அமைந்துள்ளது.

கஞ்சமாற நாயனார் அவதரித்த தலமெனப்படுகிறது. பிரமனுக்குத் திருமணக் காட்சியளித்த தலமென்பது தொன்நம்பிக்கை (ஐதிகம்). பலாச வனம் என்றும், அக்கினித்தலம் என்றும் பிரம்மபுரி என்றும் அழைக்கப் படுகிறது. சிவபெருமானே சுக்கிரனாகக் காட்சி அளிக்கிறார் என்பதால் சுக்கிரனுக்காக தனி சன்னிதி இல்லை.

இறைவன்: அக்னீச்வரர்

அம்பாள் : கற்பகாம்பாள்

விருட்சம்: புரச மரம்

தீர்த்தம்: அக்னி தீர்த்தம்

பதிகம்: அப்பர்

நவக் கிரகத் தலம்: சுக்ரன்

இக்கோயிலில் இருக்கும் முக்தி மண்டபம் என்றழைக்கப் படும் நடராஜ சபையில் நடராஜர் மற்றும் சிவகாமி ஆகிய தெய்வங்களின் திரு உருவச் சிலைகள் அமைந்துள்ளன.சிவபெருமான், பராசர முனிவருக்கு முக்தி தாண்டவம் ஆடிக் காட்சி அளித்த திருத்தலம் இது.

வைத்தீஸ்வரன் கோயில் (இணைய தளத்தின் உதவியுடன்)

வைத்தீசுவரன் என்பது தமிழில் மருத்துவக் கடவுள் என்ற பொருளை உணர்த்துவது ஆகும். இக்கடவுளை வழிபடுவோர் நோய்நொடி நீங்கி வாழ்வர் என்ற நம்பிக்கை மக்களிடையே நிலவுகின்றது. இக்கடவுள் நோய்தீர்க்கும் வல்லவர் என்று போற்றப்படுகின்றார். இக்கோயிலில் அமைந்திருக்கும் சித்தாமிர்தக் குளத்தின் நீர் புனித நீராக கருதப்படுகின்றது. இக்குளத்தில் நீராடினால் நோய் நீங்கும் என்று அங்கு வழிபடும் மக்களால் நம்பப்படுகின்றது. சம்பாதி, சடாயு, என்ற கழுகரசர் இருவர்களும், தமிழ் கடவுளாம் முருகப்பெருமானும், பூசித்துப் பேறுகளைப் பெற்ற தலமாதலால் இப்பெயர் பெற்றது.

ஒன்பது கிரகங்களுள் (நவக்கிரகம்) ஒன்றான அங்காரகன் செவ்வாய், தொழுநோயால் மிகத்தீவிரமாக பாதிக்கப்பட்டதின் விளைவாக கடவுள் சிவனார் வைத்தியநாத சுவாமியாக எழுந்தருளி அவரின் பிணிதீர்த்தார். ஆகையால் இக்கோயில் ஒன்பது கிரக கோயில்களில் இது செவ்வாய் கிரகத்தை குறிக்கும் கோயில் தலமாக விளங்குகின்றது. திருநாவுக்கரசர் தீவிர வயிற்றுப்பிணியினால் அவதியுற்றபொழுது அவர் தமக்கையார் வைத்தியநாதனை நினைந்து பிணிநீக்க தொழுதிட்டார், அவ்வாறே எழுந்தருளி பிணிநீக்கினார். அன்று முதல் இத்தல சிவனாரை அவரின் பக்தகோடிகளால் வைத்தியநாதன் என்றழைக்கபெற்று வழிபடலாயினர்.

இக்கோயிலில் வைத்தீசுவர சுவாமி மற்றும் அவரின் இணையான தையல்நாயகி அம்பாள் இருவரும் இணைந்து மூலிகை தைலத்துடன் நின்று பக்தர்களுக்கு காட்சித் தருகின்றனர். இக்கோயிலுக்கு இராமர், இலட்சுமணன் மற்றும் ஏழுகடல் முனிவர்களும் (சப்தரிஷி) இத்தலம் வந்து வணங்கியதாக செவிவழிச் செய்திகள் (அய்தீகங்கள்) உண்டு. இத்தலம் இந்துக்களின் கடவுளாக கூறப்படும் இராமரின் மனைவி சீதையை இலங்கை மன்னன் இராவணன் கவர்ந்து சென்றபொழுது கழுகு மன்ன்னான சடாயு இடைமறித்து தடுத்ததினால், இராவணனின் தாக்குதலுக்குள்ளாகி மாண்ட சடாயுவின் சடலத்தை இராமன் மற்றும் அவரின் தமையனாரான இலக்குவணன் இருவரும் இணைந்து (ஜடாயு) இங்கு அமைந்துள்ள குளத்தின் அருகே வைத்து சடாயுவின் சிதைக்கு தீமூட்டி எரிக்கப்பட்டதினால் இக்கோயிலில் அமைந்துள்ள குளத்தை சடாயு குந்தம் என்றழைக்கப்படுகின்றது. இக்கோயிலினுள் உள்ள சிறிய தலத்தில் கடவுள் தன்வந்தரியும், தமிழ்க்கடவுளாம் முருகன் முத்துகுமாரசாமியாகவும் எழுந்தருளியுள்ளனர்..

கடவுளுக்கு படைத்த பொருட்காளாக (பிரசாதங்களாக) திருநீரும் , சாம்பல் (திருச்சந்தன உருண்டை (அ)திருச்சாந்து உருண்டை) நோய்தீர்க்கும் மருந்தாக வழங்கப்படுகின்றது. இது தீக்குழியிலிருந்து (ஒமகுண்டத்திலிருந்து) தயாரிக்கப்படுகின்றது. இன்னொரு வகையான மருந்தாக (சந்தன துகள்கள்) சந்தனம், குங்குமப்பூ கலந்து வழங்கப்படுகின்றது.

மக்கள் இங்கு வருகை புரியும் பொழுது மிளகு மற்றும் வெல்லத்துடன் கலந்த் உப்பு இவற்றை சித்தாமிர்தத்தில் (குளம்) வைத்து நோய்தீர்க்க வேண்டி கடவுளுக்கு படைக்கின்றனர். கடவுளுக்காக வெள்ளித்தட்டுகள், மோதிரங்களை காணிக்கையாக பிணிதீர்க்க வேண்டி உண்டியலில் செலுத்துகின்றனர்.

இந்த இரண்டு உடன் அதன் அருகில் இருந்த திருக்கடையூர் கோவிலுக்கு செல்லும் தருணம் கிடைத்தது.

திருக்கடையூர் (இணைய தளத்தின் உதவியுடன்)

மயிலாடுதுறை - தரங்கம்பாடி சாலை மார்க்கத்தில் மயிலாடுதுறையில் இருந்து 23 கி.மி. தூரத்தில் திருக்கடையூர் இருக்கிறது. சீர்காழியில் இருந்து சுமார் 30 கி.மி. தொலைவில் சீர்காழி - நாகப்பட்டினம் சாலை வழியில் இவ்வூரில் உள்ள அமிர்தகடேஸ்வரர் கோயில் புகழ்பெற்ற சைவத்தலமாகும். இங்கு அமிர்தகடேஸ்வரர் மற்றும் அன்னை அபிராமி இருவரும் அருள் தருகின்றனர். இக்கோவிலின் சிறப்பே அறுவதாவது அல்லது எண்பதாவது திருமணம் செய்து கொள்ள சிறந்த இடம். நான் சென்ற போது இரண்டு திருமணங்களை பார்க்க முடிந்தது.

· சஷ்டியப்த பூர்த்தி, உக்ரரத சாந்தி, பீமரதசாந்தி, சதாபிசேகம், ஜன்ம நட்சத்திரம், ஆயுஷ்ய ஹோமம் ஆகியவை செய்வதற்கு மிகவும் புகழ்பெற்ற தலம் இது.

· 59 வயது முடிந்து 60 வயது தொடங்குகிறவர்கள் உக்ரரத சாந்தி பூஜை செய்கிறார்கள். 60 வயது பூர்த்தியடைந்து 61 வது வயது தொடங்குகிறவர்கள் சஷ்டியப்த பூர்த்தி பூஜை செய்கிறார்கள்.

· 70 வயது பூர்த்தியாகி 71 வயது தொடங்குகிறவர்கள் பீமரத சாந்தி பூஜை செய்கிறார்கள். 81 வயது தொடங்குகிறவர்கள் சதாபிசேகம் மற்றும் ஆயுஷ்ய ஹோமம் செய்கிறார்கள். அறுபது வயது பூர்த்தி ஆகி தமிழ் வருடம் தமிழ் மாதம் அன்று அவரவர் பிறந்த தேதி அன்று சஷ்டியப்தபூர்த்தி (மணிவிழா) செய்து கொள்வதற்காக பல பேர் வருகின்றனர்.

என்னடா மூலவரை எங்கேயோ பார்த்த மாதிரியாக உள்ளதே மற்றும் பெயரும் மிக அருகிலே உள்ள பெயராக உள்ளதே என்று நினைத்து பார்க்கையில், என் வீட்டிற்கு பக்கத்தில் இருக்கும் ஈஸ்வரன் கோயில் மூலவர் தான். இது தான் அருகில் இருக்கும் போது அதன் அருமை தெரியாது என்பார்கள்.

பஞ்சபூத தலங்கள்

1. நிலம் - காஞ்சிபுரம், திருவாரூர் – தமிழ்நாடு

காஞ்சிபுரத்தில் காஞ்சி காமாட்சி ஆலயத்திற்கு மட்டுமே செல்லும் வாய்ப்பு கிடைத்தது. அதுவும் நல்ல தரிசனத்துடன். சென்னைக்கு அருகில் இருந்தும், அங்கு உள்ள மற்ற கோவில்களுக்கு செல்ல முடியாத சூழ்நிலை. நேரத்திற்காக காத்து இருக்கிறேன்.

2. நீர் - திருவானைக்கா - திருச்சி, தமிழ்நாடு

நான் செல்லாத ஒரே ஒரு தலம். நேரத்திற்காக காத்து இருக்கிறேன்.

3. நெருப்பு - திருவண்ணாமலை – தமிழ்நாடு

நான் நினைத்த பொழுது எல்லாம் செல்லும் தலம். என்னுடைய விருப்பமான தலத்தில் ஒன்று. எனக்கு விஷேசமான தலமும் கூட. காரணம் திருகார்த்திக்கை அன்று, தீடிர் என்று வி.ஐ.பிக்கான அழைப்பிதல் இலவசமாக கிடைத்து, இரண்டு மணி நேரத்தில் தரிசனம் செய்ய முடிந்தது. இந்த தரிசனம் கிட்ட கோடி புண்ணியம் செய்து இருக்க வேண்டும் என்று கேள்வி பட்டு உள்ளேன்.

4. வாயு - திருக்காளத்தி - ஆந்திராவின் சித்தூர் மாவட்டத்தில் அமைந்துள்ளது

திருப்பதி நான்கு முறை சென்றால், அதனுடன் ஒரு முறை திருக்காளத்தியும் சென்று விடும் வாய்ப்பு கிடைத்து விடும். அதனால் இந்த தலத்தை பற்றி நான் யோசித்தது இல்லை.

5. ஆகாயம் - சிதம்பரம் – தமிழ்நாடு

ஒரு மாதத்திற்கு முன்னால் சென்ற தலம். அதுவும் மாலை பொழுதில், நடராஜரின் கதவை திறந்து, முதல் தீபம் காட்டும் போது அருகில் இருந்து தரிசனம் செய்யும் வாய்ப்பு கிடைத்தது.

இந்தனை பெருமை மிக்க கோவில்களை உள்ளடக்கிய தமிழ்நாட்டை நினைத்து பெருமை படுகிறேன்.

திரைவிமர்சனம் - The Train – மலையாளம் - 2011

2012-02-01T18:18:00.000+05:30

11 ஜூலை 2006ம் ஆண்டு மும்பையில் நடைபெற்ற வெடிகுண்டு நிகழ்வில் மலையாள மக்கள் எப்படி பாதிப்பு ஆனார்கள் என்பதை எடுத்து காட்டும் திரைப்படம். தெலுங்கில் வெளிவந்த வேதம் திரைப்படத்தில், வெவ்வேறு சூழ்நிலையில் இருக்கும் ஐந்து கதாபத்திரங்கள் முடிவில் வெடிகுண்டு வைக்கபடும் அரசு மருத்துவமனையில் ஒன்று சேரும் போது, அவர்கள் என்ன ஆனார்கள் என்பதை காட்டி இருப்பார்கள். இதே போல் இந்த மலையாள படத்தில் பல்வேறு சூழ்நிலையில் இருக்கும் சில மலையாள கதாப்பாத்திரங்கள், இந்த ரயில் வெடிகுண்டு நிகழ்வில் என்ன ஆனார்கள் என்பதை திரில்லாக காட்டி இருக்கும் படம்.

இந்த படத்தை எடுத்து பார்க்க வைத்ததே Best Actor மம்மூட்டிக்கா. கதாபாத்திரம் என்று பார்த்தால், மம்மூட்டி எப்போதும் போல் அவர் மும்பையில் வேலை பார்க்கும் காவல் அதிகாரி (வடிவேலு போல் ஒரு உயர் அதிகாரி அல்ல). எல்லோரையும் தீவிரவாதி என்று சந்தேகத்தால், பல அப்பாவிகளையும் கொடுமை படுத்தியவர் என்று பேருடன் இருக்கும் நபர். இதனால் இவர் உண்மையாக ஒரு தீவிரவாதியை பிடிக்கும் சமயம், உயர் அதிகாரிகளால் உதவி கிடைக்காமல் போக, தீவிரவாதி தப்பி விடுகிறான்.

ஜெயசூர்யா, இசை அமைப்பாளர் ரஹ்மான் குழுவில் பட இடம் கிடைத்து, மும்பையில் இருந்து சென்னைக்கு செல்ல தயார் ஆகும் ஒரு நபர். காலையில் இருந்து மாலையில் சென்னை ரயிலை பிடிக்கும் முன், அவருக்கு ஏற்படும் அனுபவங்கள்.

இன்னொரு கதையின் பாத்திரம், தந்தை மெக்கா செல்ல, ஒரு மகள் பணத்தை ஏற்பாடு செய்யும் போது அவள்படும் கஷ்டம். பணம் கிடைத்த மகிழ்ச்சியில், வேகமாக வீட்டிற்கு செல்ல ரயில்வேக்கு செல்ல

பேரனை காண, ஒரு தாத்தா படும் கஷ்டங்கள். அவர் முடிவில் பேரனை காண ரயில் ஸ்டேஷன் செல்ல

இப்படி பல்வேறு மனிதர்கள், எப்படி இந்த மாதிரியான வெடிகுண்டு நிகழ்வுக்கு சம்பந்தமே இல்லாமல் பலி ஆனார்கள் என்பதை மிக துல்லியமாக காட்டி இருக்கும் படம்.

இப்படத்தில் ஏதோ ஒரு குறை. அதன் காரணமாக பலி ஆகும் மக்கள் மீது வர வேண்டிய வருத்தம் முடிவில் வர மறுக்கிறது. ஆனால் கண்டிப்பாக ஒரு முறை பார்க்கலாம்

நாகூர் மீரான் - திருமண வாழ்த்துக்கள்

2012-01-29T08:00:00.000+05:30

எனது தற்போதைய அலுவலக நண்பர் திரு. நாகூர் மீரானின் திருமணம் இன்று திண்டுக்கலில் நடைபெறுவதை தெரிவித்துக் கொண்டு, எனது வாழ்த்துக்களை தெரிவித்துக் கொள்கிறேன். மணமக்கள் மகிழ்ச்சியாக வாழ அல்லாவை வேண்டி கொள்கிறேன்.

நீண்ட நாட்கள் கழித்து மீண்டும் திண்டுக்கல் பயணம். திருமண விருந்தில் கிடைக்கும் பிரியாணியை நினைத்தால் இப்போதே எனக்கு உணவு அருந்தும் இடத்தை அறிய ஆவலாக உள்ளேன்.

புத்தாண்டு வாழ்த்துக்கள் - 2012

2012-01-01T00:01:00.001+05:30

இனிய புத்தாண்டு நல்வாழ்த்துக்கள்...

Wish You A Very Happy New Year 2012

பாமரனின் இப்போதைய நிலை

2011-12-23T10:00:00.000+05:30

இரண்டு வாரத்திற்கு முன்னால், மத்திய நிதி அமைச்சர் பாராளுமன்றத்தில் "இரண்டு வருடங்களுக்கு முன்னால் இந்தியாவில் இருந்த அதே விலையில் தான் பருப்புகள், எண்ணை விலைகள் இருக்கிறது" என்று புள்ளி விவரம் கொடுத்து இருக்கிறார். அதையும் இந்த மத்திய அரசு அமோதித்து மகிழ்கிறது. ஆனால் உண்மை நிலை என்ன?

எழுத்தால் புரிய வைப்பதை விட, புகைப்படத்தால்:

சென்னையில் கே.கே. நகரில் இருக்கும் சரவணா பவன் உணவகத்தின் விலை பட்டியலின் ஒரு பாகம்.

இரண்டு இட்லி - ரூ. 23

வடை - ரூ. 20

பொங்கல் - ரூ. 35

சாம்பார் வடை - ரூ. 25

தோசை - ரூ. 33

ஸ்பெஷல் தோசை - ரூ. 40

நெய் தோசை - ரூ. 75

சாதாரண வேலை செய்யும் மக்கள் யாரும் சரணவ பவன் உணவகத்தில் சென்று உணவு அருந்த முடியாது என்பது தான் நிதர்சனம். இரண்டு அல்லது மூன்று வருடங்களுக்கு முன்னால், ஒரு நிகழ்ச்சியை கொண்டாட பெரிய உணவகத்திற்கு செல்வோம். ஏன் என்றால் அந்த மாதிரியான பெரிய உணவகத்திற்கு தினசரி செல்ல இயலாது. ஆனால் இன்று அதே போல் ஒரு நிகழ்ச்சியை கொண்டாட சரவணாபவன் உணவகத்திற்கு சென்று உள்ளோம் என்ற பார்த்து கொள்ளுங்கள். அங்கு தினசரி சென்று உணவு எடுக்க முடியாத சூழ்நிலை.

சுருக்கமாக சொல்லவேண்டும் எனில், இந்தியாவில் சம்பளம் வாங்கி கொண்டு, இந்திய பொருட்களுக்கு அமெரிக்கா விலையில் பணத்தை கொடுத்து வாங்குகிறோம்.

இந்தியா திருநாட்டை இப்படி சீரழிக்கும் மத்திய அரசு எப்போது போகுமோ?

மீண்டும் மீண்டும்...VI (நயாகரா பயணம்)

2011-12-22T17:52:00.000+05:30

இந்தியாவில் இருக்கும் போது, அதுவும் படிக்கும் காலத்தில் தமிழ்நாட்டை தவிர என்ற மற்ற மாநிலங்களுக்கு சென்றது இல்லை. ஆனால் வேலைபார்க்கும் போது தென் இந்தியாவில் இருக்கும் நான்கு மாநிலத்தை பார்க்கும் சந்தர்ப்பம் கிடைத்தது. அதை தவிர இந்தியாவில் வேறு எங்கும் செல்லவில்லை. ஆனால் டாலர் தேசத்தில் இருந்த ஒன்றரை வருடங்களில், எத்தனை மாநிலங்களுக்கு சென்று இருக்கிறோம், எந்த இடங்களை பார்த்து இருக்கிறோம் என்ற பட்டியலே தனியாக இருக்கும். சென்னை வந்து மூன்று மாதங்கள் ஆகி விட்டதால், நான் சென்ற அனைத்து மாநிலங்களையும் நினைவு படுத்துவதற்குள் போதும் போதும் என்ற நிலை. இதோ நான் சென்று வந்த பட்டியல்.

1. அரிசோனா (Arizona)

2. அர்கன்சாஸ், (Arkansas)

3. இல்லினோயிஸ், (Illinois)

4. ப்ளோரிடா, (Florida)

5. ஜார்ஜியோ (Georgia)

6. இண்டியன, (Indiana)

7. கன்சாஸ், (Kansas)

8. மிஸ்ஸெளரி, (Missouri)

9. நெவட, (Nevada)

10. நியூ ஜெர்செரி (New Jersey)

11. நியூயார்க் (New York)

12. ஒக்ளஹோம, (Oklahoma)

13. டென்னிசி (Tennessee)

14. டெக்சாஸ் (Texas)

15. வாஷிங்டன் டி.சி. (Washington DC)

16. வெஸ்ட் விர்ஜினியா (West Virginia)

கீழே இருக்கும் மாநிலங்கள், வேறு மாநிலத்திற்கு செல்லும் போது கடந்து போன பாதை தவிர, அங்கு சென்று வேறு எதையும் பார்க்கவில்லை.

17. ஓஹயோ, (Ohio)

18. மேரிலன்ட், (Maryland)

19. பென்ன்ச்யல்வானியா, (Pennsylvania)

20. டெலவாரே (Delaware)

இங்கு இருக்கும் அனைத்து மாநிலங்களிலும், ஏதாவது சிறப்பு வாய்ந்த விஷயங்களை பார்த்து இருப்பேன். ஒரு வருடம், ஐந்து மாதங்கள் ஆகியும் நான் செல்ல நினைத்த இடம் நயாகரா நீர்விழ்ச்சி, அமெரிக்காவில் இருந்து கிளம்புவதற்கு இன்னும் மூன்று வாரங்கள் மட்டுமே இருந்த நிலையில், நயாகராவை பார்க்காமல் போகிறேன் என்ற குற்ற உணர்வு என்னை ஆட்டி படைத்து கொண்டே இருந்தது. அமெரிக்காவை விட்டு போய் விட்டால் மீண்டும் வருவோமா என்ற கேள்விக்கு காலம் தான் பதில் சொல்லும் என்ற நிலையில், இன்னும் கிளம்புவதற்கு மூன்று வாரமே என்று இருந்தாலும், பொறியியல் கல்லூரி நண்பர்கள் மேனன் மற்றும் கார்த்திக் கட்டயபடுத்தியதலும், இரண்டு வாரங்கள் கழித்து நயாகரா செல்வதற்கு அனைத்து பணிகளும் முடிந்தது. நயாகரா சென்று வந்த பின், நான்கு நாட்களில் நான் அமெரிக்காவை விட்டு செல்கிறேன்.

நான் அந்த நீர்விழ்ச்சி செல்ல, எப்போதும் போல் பல இடங்களுக்கு சென்று செல்ல வேண்டிய சூழ்நிலை.

Bentonville, AR -> Little Rock, AR -> Memphsis, TN -> Cleveland, OH -> Buffalo, NY

Buffalo, NY -> Clevelan, OH -> Chicago, IL -> Little Rock, AR -> Bentonville, AR

நயாகராவை அடைந்த பின் தான், எனக்கு மீண்டும் ஒரு சந்தேகம் வந்து விட்டது. ஆம் நான் அடைந்த இடம் இந்தியாவில் இருக்கும் எதாவது ஒரு சுற்றுலா பகுதியா என்ற கேள்வி, என்னை மட்டும் இல்லாமல் என்னுடன் வந்து இரு நண்பர்களுக்கும் தான். எங்கு பார்த்தாலும் இந்திய மக்கள், இந்திய மக்கள் நடத்தும் கடைகள், உணவு கடைகள். ஆச்சிரியம் தான். நாங்கள் சென்ற முதல் அன்று 65 சதவீதம் இந்திய மக்கள். மிச்சம் இருந்தவர்கள் சீனா, அமெரிக்க, கொரிய மற்றும் மற்ற உலக மக்கள்.

நீர்வீழ்ச்சியை அடையும் போது "உலகம் எவ்வளவு அழகானது என்பதை அறிய சிறந்த இடம் நயாகரா" என்று கூறுவது மிகையல்ல. அந்த அழகிய பகுதியின் இயற்கை அழகை விவரிக்க வார்த்தைகள் இல்லை. என்னால் எடுக்கப்பட்ட சில இடங்கள்.

முதல் உச்சகட்டம்:

இதை பார்க்கும் போது, ஏற்பட்ட அனுபவங்கள் தவிர ஒரு கப்பலில் நயாகரா அருவின் பக்கத்தில் கொண்டு சென்றனர். இந்த பயணத்தில் முதலாவது உச்சகட்டம்

இரண்டாவது உச்சகட்டம்:

உலகமே பார்க்க துடிக்கும் இந்த அழகிய நீர்வீழ்ச்சியில், அருவின் ஒரு மூலையில் தண்ணீர் விழுந்து கொண்டு இருந்தது. அங்கே அருவியை கடந்து செல்ல முடியாது. அமெரிக்காவின் தொழில் நுட்பம் அங்கு தான் தெரிகிறது. அருவின் ஒரு புறத்தில் இருக்கும் மலையை குடைந்து, மலைக்கு அடியில் வழியை அமைத்து, மெதுவாக தண்ணீர் விழும் இடத்தில் கொண்டு இறக்கி விடுகின்றனர். அந்த பாதையில் நடந்து சென்று, தண்ணீர் விழும் பகுதிக்கு சென்ற உடன், உலகின் மிக அழகிய நீர்வீழ்ச்சியில் நம்மை குளித்துக் கொள்ள முடிகிறது.

நண்பர்கள் மேனன் மற்றும் கார்த்திக் மட்டும் கட்டாய படுத்தாமல் இருந்து இருந்தால், நான் கண்டிப்பாக இந்த பயணத்தை உதறி, வாழ்நாளில் மிக பெரிய தவறை செய்து இருப்பேன். அமெரிக்கா சென்று வரும் மக்கள், நான் நயாகரா போனேன் என்பதை ஏன் பெருமையாக செல்கிறார்கள் என்பது அப்போது தான் புரிந்தது. நயாகரா சென்று வந்ததினால் நானும் பெருமை கொள்கிறேன்.

இத்துடன் மீண்டும் மீண்டும் தொடர் நிறைவுபெறுகிறது

வரவேற்கிறேன்

2011-12-17T07:32:00.000+05:30

எனது தங்கை ஈன்றுடுத்த, எனக்கு தாய்மாமன் என்ற பெருமையை கொடுத்த சிங்கரவேலனான சிம்மக்குட்டியை இவ்வூலகிர்க்கு வரவேற்கிறேன்.

மீண்டும்... மீண்டும்...V (NTSC/ PAL Signals)

2011-12-15T01:00:00.002+05:30

இன்னொரு விஷயம் என்னவென்றால், DTH நிறுவனத்தினர் போடும் கேபிளின் அளவு 12மீ மட்டுமே. அதற்கு மேல் மீட்டருக்கு ரூ.ஆறு. எந்த வீட்டிற்கும் 12மீ கேபிள் பத்தவே பத்தாது. அதை தெரிந்து கொண்டு, அவர்கள் அரசாங்கத்திற்கு தெரியாமல் இவ்வாறு கொள்ள அடிக்கின்றனர். கேட்டால் இது தான் அந்த நிறுவனத்தின் சட்டம் என்கிறார்கள். அதற்கு மேல், எல்லா நிறுவனங்களும் இதே சட்டத்தை தான் அமல் படுத்தி உள்ளனர் என்று கூறி பணத்தை பிடுங்கி கொள்கின்றனர். இதற்காகவே நான், கேபிளை தவிர, மற்ற விஷயங்களுக்காக (சுவற்றில் துளை இடாமல் எடுத்து செல்லவது) அனைத்து நிறுவனத்தையும் கேட்டேன் (சன், டிஷ், டாட்டா மற்றும் வீடியோகான்). அவர்கள் கூறிய பதில்கள் எல்லாம் கேட்டும் போது, அனைவரும் மக்களை திருட தான் செய்கிறார்கள் என்று புரிந்தது. இதுவெல்லாம் பொது பிரச்சனை.

இப்போது என் பிரச்சனைக்கு வரும் போது, AIRTEL DTH சுவற்றில் துளை இடமால், வேறு விதமாக உள்ளே எடுத்து கொண்டு போனேன். ஒரு வழியாக கேபிளை தொலைக்காட்சியுடன் கொடுக்கும் போது தான் NTSC /PAL விஷயம் வெளியே வருகிறது. ஆம் இந்தியாவில் வரும் சிக்னல் சிஸ்டம் PAL . தொலைகாட்சி 80 % மட்டுமே தெரிகிறது, அதுவும் புள்ளி புள்ளியாக. எந்த DTH போட்டாலும் கிடைக்கக் கூடிய சிக்னல் PAL தான் என்பது அப்போது தான் புரிந்தது. என்னடா போட்ட பணம் அவ்வளவு தான? என்ற கேள்வியுடன் பல வலைதளங்களில் தேடியும் எதுவும் புலப்படவில்லை. வேறு எந்த DTHல் தொலைகாட்சி தெரியும் என்று சுமார் ஒரு மாதத்திற்கு மேல் அலசி ஆராய்ந்து, பலன் இல்லாமல் போனது தான் மிச்சம். அனைத்து விஷயத்தையும் பார்க்கும் போது தான், இந்தியாவிற்கும் அமெரிக்காவிற்கும் உள்ள வித்தியாசங்கள் புரிந்து கொள்ள முடிகிறது. நான் யோசிக்காமல் போன விஷயம் (இன்னுமும் கூட), ஏற்கனவே வெளிநாட்டு நண்பர்கள் இந்தியாவிற்கு எடுத்து வந்த வெளிநாட்டு தொலைகாட்சிகள் எப்படி அவர்கள் பயன்படுத்துகிறார்கள் என்பதை கேட்கவே இல்லை. அது கேட்டு இருந்தாலும் ஒரு அளவாவது விஷயம் தெரிந்து இருக்கும். AIRTEL DTH உடன் சண்டை போட்டு, பணத்தை மீண்டும் வாங்கி விட்டேன். இதுவே சன் DTH என்றால் வாய்ப்பே இல்லை. ஏனென்றால் சன் DTH மக்களை மதிக்கவே மாட்டார்கள் என்று ஏற்கனவே தெரியும். என் நண்பர்கள் கூட சொன்ன விஷயம் "AIRTEL DTH என்பதால் பணம் திரும்ப கிடைத்தது. சன் DTH என்பது கேடானது" .

ஏற்கனவே AIRTEL DTH எடுத்து செய்த தவறை மீண்டும் செய்யாமல், எந்த DTH எடுத்தால் என் தொலைகாட்சியில் உள்ளூர் சேனலை காணலாம் என்ற எண்ணம் ஓட தொடங்கியது. இப்படியே வலை தளங்களில் தேடிக் கொண்டே மற்றும் நண்பர்கள் உடன் தேடி கொண்டே சுமார் ஒரு மாத காலம் ஆகிவிட்டது. தீடிர் என்று ஒரு யோசனை. நண்பர் ராஜேந்திரன் தன்னுடைய கணிப்பொறியில் தான் உள்ளூர் சேனலை பார்த்துக் கொண்டு இருந்தார். அது எவ்வாறு என்று கேட்டு கொண்டு, அதே போல் என் தொலைகாட்சியில் அந்த முறை பொருந்துமா என்று பலருடன் கேட்டு, கடைசியாக PAL சிக்னல் முறையில் இருந்து VGA முறைக்கு மற்றும் convertor யை வாங்கி, சோதனை செயலாம் என்று முடிவெடுத்து, அதை தேட தொடங்கினேன். இந்த convertor கூட எனது பிரச்சனையை முடிக்குமா என்று தெரியாது. நான் கேள்வி பட்ட வரை 99 % பிரச்சனை முடியலாம் என்ற காரணத்திற்காக மட்டுமே தேட தொடங்கினேன். ஆம் சுமார் ஒரு வாரத்திற்கு பிறகு அதை பொருத்தி பார்க்கும் போது, உள்ளூர் சேனல் எனது தொலைகாட்சியில் தெரிந்தது. அதன் விலை ரூ. 1400 . இதில் என்ன பிரச்சனை என்றால், இது உள்ளூர் கேபிளை எடுத்து கொடுத்து இருந்தேன். மாதத்திற்கு என்னவோ ரூ. 100 மட்டுமே.ஆனால் இந்த தொலைகாட்சிக்கு பொருந்தாத ஒன்று. எதுவுமே தெரியாமல் இருந்த எனக்கு, இதுவே தேவலாம் என்ற நிலையில் இருந்தேன். இருந்தாலும் என்னுடைய தொலைகாட்சிக்கு இந்த முறை போதாது என்று, எனக்கு தெரியாமல் நான் NTSC /PAL பற்றி தேடி கொண்டு தான் இருந்தேன்.

VGA convertor பிரச்சனை என்னவென்றால், ஒலி தனியாகவும், ஒளி தனியாகவும் பிரித்து கொடுக்கும். அதனால் என்னவோ படம் ஒழுங்காக தெரிந்தாலும், சத்தம் கேட்கும் போது ஒரு வித இரைச்சல் இருந்து கொண்டே தான் இருந்தது. மேலும் ஒளியின் அளவு, சுமாராக தான் இருக்கும். இந்த சூழ்நிலையில் தான், உள்ளூர் கேபிளால் வரும் பிரச்சனை வந்தது. அனைத்து சேனல்களும் புள்ளி புள்ளியாக தெரிய, கேபிள் டிவி ஆப்பிரேட்டரை கொண்டு வந்து காட்ட, இந்த பெரிய தொலைகாட்சியில் இவ்வளவு தான் சேனல்கள் தெரியும். இது என் பிரச்சனை அல்ல. அதே கேபிளை அரசு தொலைகாட்சியில் கொடுத்தால், நன்றாக தெரியும் என்று கூறி, இந்த பிரச்சனை முடிவாக ஏன் சுமங்கலி setup பாக்ஸ் வாங்க கூடாது என்று கேட்டார். நான் AIRTEL DTH ல் நடந்த அனைத்து விஷயத்தையும் கூறி, நீங்கள் DEMO கொடுங்கள், நன்றாக DIGITAL முறையில் தெரிந்தால் நான் வாங்கி கொள்கின்றேன் என்று கூற, உள்ளூர் கேபிள் ஆள் ஒத்து கொண்டார். ஒரு வாரத்திற்கு பிறகு அவர் setup பாக்ஸ் கொண்டு வந்து உபயோகபடுத்தி பார்த்தார். முதலில் நான் AIRTEL DTH பார்த்த பிரச்சனை இங்கும் வந்தது. அனைத்து DTH சும், கை விட்ட நிலையில் சுமங்கலி setup என்ன உதவ போகிறதா என்ற நினைத்து இருந்த நிலையில், setup பாக்ஸ்ன் உள்ளே சென்று அதனுடைய configuration யை பார்க்கும் போது, வீடியோ செட்டிங் க்குள் NTSC / PAL முறை என்று இரண்டு இருந்தது. அதை பார்த்த உடன் என்னுள் ஒரு சிறு நம்பிக்கை. ஆம் அந்த configuration மாற்றி அமைத்த உடன் என் வெளிநாட்டில் வாங்கி வந்த தொலைகாட்சியில் DIGITAL முறையில் நம்மூர் சேனலை பார்க்க முடிந்தது. அதுவும் மிக துல்லியத்துடன். ஆனால் நான் வாங்கிய அந்த VGA convertor ? இப்போது தேவையில்லை. பணம் போனது தான் மிச்சம். இன்னொரு விஷயம், இந்த சுமங்கலி setup பாக்ஸ் சென்னையில் மட்டுமே கிடைக்கும். சென்னை தவிர மற்ற (தமிழ்நாடு) நகரங்களில் உபயோகபடுத்த முடியாது. அவர்கள் DEMO கொடுக்கும் போது எடுத்த வந்த setup பாக்ஸ் பழையது. சென்னையில் சுமங்கலியை நிலைநிறுத்தி கொள்ள சன் நிறுவனம் இப்போது இலவச setup பாக்ஸ்யை தருகிறது. ஆனால் இந்த setup பாக்ஸ்ல் NTSC / PAL என்ற இரண்டு முறை இல்லை. இந்திய தொலைகாட்சிக்கு மட்டும் ஒத்துழைக்கும் PAL என்ற முறை மட்டுமே உள்ளது. அதனால் தான் நான் வாங்கும் போது கூட, என் தொலைகாட்சிக்கு எதுவாக பழைய setup பாக்ஸ்யை வாங்கி கொண்டேன். சுமங்கலி என்பது சன் நிறுவனத்தின் ஒரு பகுதி. சுமங்கலி setup பாக்ஸ்ல் NTSC / PAL முறை இருக்கும் போது, என் நினைப்பு படி SUN DTH ல்லும் இந்த முறை இருந்தாக வேண்டும். நான் என் தொலைக்காட்சிக்கு ஆராயும் போது, SUN DTH புதிதாக ஒரு setup பாக்ஸ் கொடுத்து உள்ளதாகவும், அதை பற்றி ஆராய வேண்டும் என்று கேள்வி பட்டேன். அது எந்த அளவு உண்மை என்று தெரியவில்லை. சென்னையில் உள்ள மக்கள் சன் DTH வாங்கி கொண்டு ஏமாந்து போவதற்கு பதிலாக, சுமங்கலியை வாங்கி கொண்டு போகலாம்.

நான் எனது பிரச்சனையை தீர்க்க தேடும் போது, விளக்கமாக ஒரு வலை தளத்திலும், இணைய தளத்திலும் இல்லை. அதனால் தான் இங்கு என்னுடைய அனுபவத்தை கொடுத்து உள்ளேன். படிக்கும் நபர் எந்த NTSC / PAL தொடர்ப என்ன கேள்விகள் இருந்தாலும், எனக்கு தெரிய படுத்துங்கள். என்னால் முடிந்த வரை உதவி செய்ய முயலுகிறேன்

மீண்டும்... மீண்டும்...IV

2011-12-12T10:00:00.001+05:30

ஒரு வழியாக அமெரிக்காவில் வாங்கின தொலைக்காட்சி என் வீட்டில். இப்போது நாம் டெக்னிகலாய் சில விஷயங்களை பார்க்கலாம். அமெரிக்காவில் மின்சாதன பொருட்கள் 110V தான் வேலை செய்யும். ஆனால் இந்தியாவில் 220V . வீட்டிற்க்கு வந்த உடன், முதலிலேயே வாங்கி வைத்து இருந்த power convertor வைத்து தொலைகாட்சியை switch on செய்தேன். வெறும் ஒரு வெள்ளை நிறம் மட்டும் வந்து, மீண்டும் கருப்பு நிறம் வருகிறது. இந்த மாதிரியாக தொடரவே, நான் பயந்து தொலைகாட்சியை நிறுத்தி விட்டேன். ஏற்கனவே நண்பர்கள் பலரது பிரச்சனைகளை நான் அறிந்த காரணத்தால், என் தொலைக்காட்சியும், விமானத்தில் எடுத்து வந்த காரணத்தால் உள்ளே உடைந்து போய் விட்டது என்று நினைத்து நானும் உடைந்து போனேன்.

நண்பர் பாலாஜி, இதே போல் ஒரு தொலைக்காட்சியை எடுத்து வந்து போது, ஆட்டோவில் ஏற்றி வந்த காரணமாக தொலைகாட்சி உடைந்து போகவே 35K செலவு செய்து அதை சரி செய்தார். அவர் insurance வைத்து இருக்கவே, உடைந்து போன தொலைகாட்சியை சரி செய்தார். செலவு செய்த பணத்தை insurance நிறுவனமே கொடுத்து விட்டது. ஆனால் என் நிலையில் insurance எனது தொலைகாட்சிக்கு இல்லை. என் நிலைமை நினைத்து, அழுகை வந்து விடும் போல் எனக்கு ஆகி விட்டது. வெளிநாட்டில் இருந்து பல பொருட்களை கொண்டு வந்து இருந்தாலும், எதையுமே காணும் நிலையில் நான் இல்லை.

நண்பர் கிஷோரின் நண்பரை அழைத்து காட்டவே, இது basic power convertor என்று கூறி, நல்ல power convertor குடுத்து விட்டு சென்றார். அவர் தொலைக்காட்சியை switch on செய்து காட்டும் போது தான் என் உயிர் மீண்டும் எனக்கு கிடைத்தது. ஆக மொத்தத்தில் LED,3D,SMART TV என் வீட்டில்.

எத்தனை நாளைக்கு தான், திரைப்படம் மட்டுமே பார்த்து கொண்டு இருப்பது. நம்மூர் லோக்கல் சேனல்கள் எப்போதுதான் பார்ப்பது என்ற எண்ணம் வரவே, அதற்கான முயற்சி எடுத்தேன். எதற்கு அந்த முயற்சி? ஆம் வெளிநாடுகளில் வாங்கும் தொலைகாட்சிகள் இந்தியாவின் உள்ள சிக்னல் சிஸ்டத்தை சப்போர்ட் செய்வது இல்லை. வெளிநாடுகளில் உள்ள நிகழ்சிகள் NTSC என்ற முறையில் ஒளிபரப்ப படுகிறது. ஆனால் இந்தியாவில் PAL என்ற முறையில் ஒளிபரப்ப படுகிறது. இந்த இரண்டு முறைக்கும் நிறைய வித்தியாசங்கள் உள்ளன. லோக்கல் கேபிள் முறை இந்த தொலைகாட்சிக்கு ஒத்துவராது என்பதால், நேரடி தொலை நிகழ்ச்சி (DTH) என்ற முறையில் செல்ல எண்ணினேன். சென்னையில் DTH முறையில் இருக்கும் அனைத்து விதமான நிறுவனங்களை தொடர்பு கொண்டு விளக்கினேன். ஆனால் யாருக்கும் என் நிலைமை புரியாததால், நானே RISK எடுக்க முடிவெடுத்து Airtel DTHயை 2K கொடுத்து எடுத்து விட்டேன். இப்போது தான் அவர்கள் அனைத்து DTH நிறுவனங்களும் செய்யும் தில்லு முள்ளு எனக்கு தெரிந்தது.

வீடு கட்டும் போது கேபிள் எடுத்து செல்ல சுவற்றில் உள்ளேயே எதாவது ஒரு வழிமுறையை செய்து இருப்பார்கள். ஆனால் இந்த DTH நிறுவனத்தை சேர்ந்தவர்கள், அந்த வழிகளை உபயோகிக்காமல், அவர்கள் எந்த வழியாக சுலபமாக கேபிள் கொண்டு வர முடியுமோ (சுவற்றை துளைத்து அல்லது ஜன்னலை துளைத்து), கொண்டு வந்து அவர்கள் தன் வேலையை முடிப்பார்கள். இதில் பதிக்க படுவது நாம் தான். ஆம் தேவை இல்லாமல் சுவற்றில் துளை மற்றும் வெளியில் கேபிள்கள் எப்போதும் அசிங்கமாக தொங்கி கொண்டே இருக்கும்.

இன்னொரு விஷயம் என்னவென்றால்....

அனலாய்க் காயும் அம்புலிகள் - புத்தகம் – விமர்சனம் - 2005

2011-12-09T11:00:00.001+05:30

சுமார் இரண்டு ஆண்டுகளுக்கு பிறகு, ஒரு முழு புத்தகத்தை படிக்கும் நேரமும், அதற்குரிய மன-அமைதியும் கிடைத்தது. தனிபட்ட கதாபாத்திரங்களின் பண்பு, கோபம், சோகம், மகிழ்ச்சி, பொறமை, நற்குணம் என்று விவரிக்கக்கூடிய திரைப்படங்கள் ஆகட்டும், புத்தகங்கள் ஆகட்டும், அதில் எனக்கொரு தனி விருப்பம் உண்டு. திரைப்படத்தை எடுத்து கொண்டால் நாயகன், தவமாய் தவமிருந்து, வெயில், ஆட்டோகிராப் போன்ற படங்கள் தனிபட்ட மனிதனின் வாழ்க்கையை மிகசிறப்பாக கொடுக்கபட்டு இருக்கும். அதே போல் இயக்குனர் விசுவின் திரைப்படங்களை எடுத்துக் கொண்டால் தனிபட்ட கதாப்பாத்திரங்கள் இருந்தாலும், அதற்கு முன் ஒரு குடும்பத்தை காட்டி, அதில் உள்ள பற்பல மனிதர்களை சுட்டி காட்டி இருப்பார். அதனால் தான் என்னவோ விசுவின் திரைப்படங்களின் மேல் ஒரு தனிப்பட்ட விருப்பம் எப்போதும் இருக்க தான் செய்யும். சம்சாரம் அது மின்சாரம், மணல் கயிறு போன்ற படங்கள் நல்ல உதாரணம். அப்படிப்பட்ட இரண்டு குடும்பத்தில் இருக்கும் நான்கு கதாப்பாத்திரங்கள் மற்றும் இரண்டு தனி மனிதர்கள் என்று ஆறு பேரை மட்டுமே கொண்டு ஒரு குடும்ப நாவல் தான் "அனலாய்க் காயும் அம்புலிகள்".

கதை ஆசிரியர் இந்திரா சௌந்தரராஜன். அவர் பற்றி சொல்ல தேவையில்லை. இலக்கிய மற்றும் புத்தக உலகில் இவருக்கு என்று தனிப்பட்ட அடையாளம் உண்டு. திரில், காதல், குடும்ப கதைகள் என்று அனைத்து விதங்களிலும் தன்னுடைய திறமையை எடுத்துக் காட்டியவர். அக்கதையை படிக்கும் போது ஏற்படும் நிகழ்வுகள் நம் கண் முன் ஓடுகின்ற மாதிரி தனது எழுத்தை வைத்தது இல்லாமல், நம் குடும்பத்தில் நடக்கும் நிகழ்வை காணலாம்.

அரவிந்தன், ரம்யா, ராம்நாத், சரண்யா, ஞானசேகரன், குணசேகர் என்று மொத்தம் ஆறு நடமாடும் மனிதர்கள். ஒவ்வொருவருக்கும் தனிபட்ட பிரச்சனை என்று இருந்தாலும், அப்பிரச்சனை கூட குடும்பத்தை சார்ந்ததாக இருக்கும். அரவிந்துக்கும், ரம்யாவிற்கும் காதல் ஏற்படும் தருணம், அவர்கள் பேசி கொள்ளும் கருத்துக்கள், சரண்யா மற்றும் ராம்நாத்தின் உள்ளுர்வு பிரச்சனைகள் என்று ஒவ்வொரின் தனிப்பட்ட கோபம், சோகம், மகிழ்ச்சி, பொறமை என்று இந்திராவின் வார்த்தை ஜாலங்கள் அதுவும் இலக்கிய நாயத்துடன்.

பெண்களுக்கு இறைவன் இரண்டு அஸ்திரங்களை கொடுத்திருக்கிறான். ஒன்று அவர்களது இளமை. இரண்டாவது அவர்களது சமையல். சமையலில் ஒரு பெண் ஆணை சாய்த்துவிட்டால் அதன் பின் அவனால் எந்த காலத்திலும் எழுந்திருக்கவே முடியாது.

ஒரு ஆண் கவனம் அவனோடு பணியில இருக்கணும். ஒரு பெண்ணோட கவனம் ஆணின் நலத்திலும் கெளரவத்திலும் இருக்கணும். அவள் அவனை உயர்த்திப் பிடிக்கணும். அப்படி பெண்ணால் தூக்கி நிறுத்தப்படர குடும்பம் தான் ஆலமரமா வளரும். குடும்ப உறவு தர்மம் சார்ந்தது. எப்பவும் வாழ்க்கை நியதிகள் ஆண், பெண் இயலபுகளை ஒட்டி இருக்கணும்.

இப்ப உடம்பில தெம்பு இருக்கு. எப்படி வென வாழ்ந்துடலாம். வயசாகிக் கண்பார்வை குறைஞ்சு ஒரு கவர்ச்சியும் இல்லாமக் கிடக்க நேரும் போது, பசங்களோ குட்டிகளோ இல்லைன்னா யாருடா வருவா?

இப்படி ஒவ்வொரு வார்த்தைகளும், கூர்மையான கத்திகள் போல் எங்கும் பரவி கிடைக்கின்றன. மொத்தத்தில் இந்த புத்தகத்தை முடிக்கும் போது விசுவின் படத்தை பார்த்த ஒரு மகிழ்ச்சி.

ரமேஷ் அண்ணன் - அஞ்சலி

2011-12-08T07:57:00.000+05:30

சென்ற வாரஇறுதியில் தான் எல்லோரும் ஒரு விழாவில் உறவினர்கள் அனைவரும் பார்த்து, பேசி ஜாலியாக இருந்தோம். அதில் ஒருவரான ரமேஷ் அண்ணன் அவர்களுக்கு வயது 36 அல்லது 38 தான். நான்கு மற்றும் ஒரு வயது குழந்தைக்கு தகப்பனார். நேற்று இரவு உணவு சாப்பிட்டு அமர்ந்து இருக்கையில், இறைவனடி சேர்ந்தார். என்ன பிரச்சனை என்று இதுவரை தெரியவில்லை. அவரது ஆத்மா சாந்தி அடைய நான் வணங்குகின்றேன்.

நேற்று இருப்பவர்கள் இன்று இல்லை. சிறுவயதில் மரணம் என்பது யாதார்த்தம் தான்.ஆனாலும் அவரின் குடும்ப சூழ்நிலை நான் அறிவேன் என்பதால், இந்த நிகழ்வை சாதரணமாக எடுத்து கொள்ள முடியவில்லை. சொந்தங்கள் மற்றும் உறவினர்கள் அனைவரும் இருப்பதோ தென்தமிழகத்தில். நான் மட்டும் வடதமிழகத்தில். என்ன பொழப்பு டா சாமி. நல்ல விஷயங்களில் கலந்து கொள்கிறோமே இல்லையோ, இந்த மாதிரியான நிகழ்வுகளில் வேலை செய்கிறோமே இல்லையோ முடிந்தவரையில் தலையாவது காட்ட வேண்டும். அதற்கும் முடியாமல் இருக்கும் என்னை நினைத்து வருத்தம் அடைகிறேன்.